Azərbaycan Respublikası Dağlıq Qarabağ bölgəsinin Azərbaycanlı İcması

az en ru

Press-relizlər

Özbəkİstanın tnews.uz portalı öz səhİfəsİndə ermənİ vandalİzmİ İlə bağlı məqalə yerləşdİrİb

Daşkənd, 6 iyun, AZƏRTAC

Özbəkistanın tnews.uz portalı öz səhifəsində özbək dilində erməni vandalizmi ilə bağlı məqalə yerləşdirib.

AZƏRTAC xəbər verir ki, materialda Ermənistan-Azərbaycan Dağlıq Qarabağ münaqişəsi, erməni vandalizmi haqqında danışılır, Şuşadakı Gövhər Ağa Məscidinin, digər abidələrin dağıdılması və talan olunması haqqında məlumat verilir.

Qeyd olunur ki, 1883-cü ildə azərbaycanlı usta Səfixan Qarabağinin tikdiyi bu məscid indi ermənilər tərəfindən fars məscidi kimi təqdim olunur. Sual olunur, nə vaxtsa Şuşada farslar yaşayıbmı ki, onların burada məscidi də olsun?

1969-cu ildən bəri bu məsciddən tarix muzeyi kimi istifadə edilib. 1992-ci ilin mayında isə qədim Şuşa şəhəri ermənilər tərəfindən işğal olunduqdan sonra bu arxitektura binası viran edilib.

Sonra məqalədə Şuşanın ərazisi, əhalisi, şəhərin kənd və qəsəbələri haqqında söhbət açılır. Bildirilir ki, Şuşada Azərbaycan Pedaqoji İnstitutunun, Neft və Kimya İnstitutunun filialları, Mədəni-Maarif Texnikumu fəaliyyət göstərib. Şuşa və kəndlərində 24 orta, 8 musiqi məktəbi olub. İşğal zamanı mədəniyyət evləri, muzeylər, kitabxanalar, qalereyalar talan edilib.

 

Qulu Kəngərli

AZƏRTAC-ın xüsusi müxbiri

Daşkənd

VİDEO

İbad Hüseynov — Azərbaycan hərbçisi

İŞĞAL OLUNMUŞ RAYONLARIMIZ

  • XANKƏNDİ

  • XOCALI

  • ŞUŞA

  • LAÇIN

  • XOCAVƏND

  • KƏLBƏCƏR

  • AĞDƏRƏ

  • AĞDAM

  • CƏBRAYIL

  • FÜZULİ

  • QUBADLI

  • ZƏNGİLAN

QARABAĞ FOTOLAR