Azərbaycan Respublikası Dağlıq Qarabağ bölgəsinin Azərbaycanlı İcması

az en ru

Press-relizlər

Həmsədrlər Azərbaycan və Ermənİstanın XİN rəhbərlərİ İlə prezİdentlərİn Parİs görüşünə hazırlığı müzakİrə edİblər

ATƏT-in Minsk qrupunun həmsədrləri Azərbaycan və Ermənistanın xarici işlər nazirləri ilə prezidentlərin Paris görüşünə hazırlığı müzakirə ediblər. Trend xəbər verir ki, bu barədə ATƏT-in press-relizində bildirilir.

Nyu-Yorkda keçirilən görüş zamanı ATƏT-in Minsk qrupunun həmsədrləri İqor Popov (Rusiya), Ceyms Uorlik (ABŞ) və Pyer Andryö (Fransa) Azərbaycan və Ermənistanın xarici işlər nazirləri Elmar Məmmədyarov və Edvard Nalbandyanla görüşərək iki ölkə prezidentinin Parisdə keçiriləcək görüşünə hazırlıq məsələlərini müzakirə ediblər.

Görüşdə ATƏT-in fəaliyyətdə olan sədrinin şəxsi nümayəndəsi Anjey Kaspşik də iştirak edib.

Birgə iclasda həmsədrlər və XİN rəhbərləri Azərbaycan və Ermənistan prezidentlərinin oktyabrın sonuna Parisdə keçirilməsi planlaşdırılan görüşünə hazırlığı müzakirə ediblər. Azərbaycan və Ermənistan prezidentləri görüşdə Dağlıq Qarabağ münaqişəsinin nizamlanmasının əsas elementləri üzrə dialoqu davam etdirməyi planlaşdırırlar. Həmsədrlər münaqişənin nizamlanması yolunda irəliləyişə nail olmaq üçün dövlət başçılarının məhsuldar müzakirə aparacaqlarına ümid etdiklərini bildiriblər. Pyer Andryö iştirakçıları keçiriləcək görüşdə gündəliyə salına biləcək məsələlər barədə qısaca məlumatlandırıb. Həmsədrlər yaxın vaxtlarda regiona səfər etmək niyyətində olduqlarını bildiriblər.

Həmsədrlər, həmçinin ATƏT sədri Didye Burkhalter ilə görüşərək Dağlıq Qarabağ münaqişəsinin sülh yolu ilə nizamlanması prosesinin inkişafını müzakirə ediblər. Onlar ATƏT sədrinə prezidentlərin Soçi və Uelsdə keçirilmiş son görüşlərinə dair hesabat təqdim ediblər və ona Parisdə keçirilməsi planlaşdırılan görüş barədə məlumat veriblər.

www.trend.az

VİDEO

İbad Hüseynov — Azərbaycan hərbçisi

İŞĞAL OLUNMUŞ RAYONLARIMIZ

  • XANKƏNDİ

  • XOCALI

  • ŞUŞA

  • LAÇIN

  • XOCAVƏND

  • KƏLBƏCƏR

  • AĞDƏRƏ

  • AĞDAM

  • CƏBRAYIL

  • FÜZULİ

  • QUBADLI

  • ZƏNGİLAN

QARABAĞ FOTOLAR